04:20:00 NST
समाचार
बैशाख ९, नुवाकोट नुवाकोटको विदुर नगरपालिका वडा नम्बर दुईमा रहेको नुवाकोट हेल्थपोष्ट प्रसुती केन्द्रको नयाँ भवनको उद्घाटन गरिएको छ । यसअघि हेल्थपोष्ट मात्र रहेकोमा बथ्रिङ सेन्टर अर्थात प्रसुती केन्द्रक
बैशाख ९, नुवाकोट नुवाकोटको चारघरेमा लान्छना तथा भेदभाव न्युनीकरण तालिम सम्पन्न भएको छ । चारघरे गाविस वडा नंंं ४ मा आयोजित कार्यक्रममा एचआई एड्सको आधारभूत जानकारी, लान्छना र विभेद न्युनीकरण गराउन समुदायको भूमिका, जिल्लाको एचआईभी एड्सको वर्तमान अबस्था लगायत विषयमा प्रशिक्षण दिइएको थियो । त्रिशूली प्लसको साथ साथ परियोजना अन्तर्गत घर तथा समुदायमा आधारित हेरचाह कार्यक्रम अन्तर्गत सञ्चालन भएको हो । सहभागीहरुलाई परियोजना संयोजक निरु सुचीकार र सामुदायिक सहजकर्ता दुर्गा पुडासैनीले प्रशिक्षण दिनु भएको थियो । कार्यक्रममा ५० जना सहभागीता रहेको थियो ।
बैशाख ९, नुवाकोट नुवाकोटको पञ्चकन्यामा सञ्चालित भित्ते पत्रिका प्रकाशन तालिम सम्पन्न भएको छ । पञ्चकन्या गाविसको मिलडाँडा र तीनघरेमा छुट्टाछुट्टै स्थानमा सञ्चालन भएको भित्ते पत्रिका प्रकाशन तालिममा ६ वटा बालक्लबका ४३ जनाको सहभागिता रहेको थियो । हेफर इन्टरनेशनल नेपाल, जिल्ला विकास समिति र पञ्चकन्या गाविसको सहयोगमा परिवर्तनका निम्ति महिला नामक संस्थाले सञ्चालन गरेको साना किसान उद्यमी सबलीकरण कार्यक्रम अन्तर्गत गठित बालक्लबका सदस्यहरुलाई प्रशिक्षण दिइएको हो । स्थानीयस्तरका समाचार र बालबालिकाको प्रतिभाहरुलाई स्थान दिदै व्यक्तित्व विकास गराउन भूमिका खेल्न भित्तेपत्रिकाले महत्वपूर्ण भूमिका खेल्ने परिवर्तनका निम्ति महिलाकी कार्यक्रम निर्देशक यशोदा खतिवडाले बताउनुभयो । तालिममा सहभागीहरुलाई नेपाल पत्रकार महासंघ नुवाकोटका सचिव नवदीप अजनवीले प्रशिक्षण दिनु भएको थियो ।
बैशाख ९, नुवाकोट नुवाकोटको विदुर नगरपालिका वडा नम्बर दुईमा रहेको नुवाकोट हेल्थपोष्ट प्रसुती केन्द्रको नयाँ भवनको उद्घाटन गरिएको छ । यसअघि हेल्थपोष्ट मात्र रहेकोमा बथ्रिङ सेन्टर अर्थात प्रसुती केन्द्रको समेत सेवा पु¥याउने उद्देष्यले निर्माण गरिएको साढे दुई तले भवनको आज शहरी विकास मन्त्री नारायण खड्काले उद्घाट गर्नुभएकोछ । नयाँ भवनको उद्घाटन गर्दै मन्त्री खड्काले ग्रामीण भेगका नागरिकहरुलाई प्रसुती जस्तौ संवेदनशील समस्याको उपचारको लागि निर्माण गरिएको भवनले सेवाको गुणस्तरीयता प्रदान गर्न सरकारको तर्फबाट सक्दो सहयोग गर्ने प्रतिबद्धता जनाउनुभएको छ । मन्त्री खड्काले नयाँ भवनलको निर्माण र विस्तार समान्य रुपमा लिएपनि सेवाको गुणस्तरीयतामा ठूलो फरक पार्ने भएकाले आगामी दिनमा अब स्वास्थ्य सेवामा जोड दिन आग्रह गर्नुभएको छ ।यस्तै नुवाकोट हेल्थपोष्ट प्रसुती केन्द्रको नयाँभवन उद्घाटन सत्रमा जिल्ला जनस्वास्थ्य कार्यालय नुवाकोटका प्रमुख रत्नलाल श्रेष्ठले आवश्यक प्राविधिक जनशक्तिको लागि पहल गरिदिने बताउनुभएको छ । अहिले एक जना अनमीले मात्र चलाउदै आएको हेल्थपोष्ट प्रसुती केन्द्रलाई अब दुई वटा अनमी थप गरिदिने आश्वासन दिनुभएको छ । उहाँले अबको दिनमा औषधिको परिणाम, सेवाको विस्तार र गुणस्तरीयतासगैं व्यवस्थापन पक्षले माग गरेको थप सुविधा समेत प्रदान गर्न जनस्वास्थ्य कार्यालय सकारात्मक रहेको बताउनुभएको छ । नयाँ हेल्थपोष्ट प्रसुती केन्द्र व्यवस्थापन समतिका अध्यक्ष शोभा डंगोलले हेल्थपोष्ट तथा प्रसुती केन्द्र नगरपालिका भित्र स्थापना भएपनि जिल्लालको ग्रामीण भेगका नागरिहहरुको सेवामा केन्द्रित रहने बताउनुभएको छ । अहिले दुई जना अनमी र एक जन एचएबाट सञ्चालन हुदै आएको केन्द्रमा बिरामीको चाँप अत्याधि रहेपनि जनशक्तिको अभाव नै मुख्य समस्या रहेको उहाँले बताउनुभएको छ । केन्द्रबाट जिल्लाको विदुर नगरपालिकाको वडा नम्बर दुई सहित बागेश्वारी, खानीगाँउ, लच्याङ, उर्लेनी लगायतका गाविसका नागरिकहरुलाई सेवा पु¥याउने लक्ष्य रहेको व्यवस्थापन समतिका अध्यक्ष डंगोलले बताउनुभएको छ । उहाँले जीर्ण रहेको भवनमा सञ्चालन गरिदै आएको केन्द्रले निर्माण गरेको नयाँ भवनसंगै सेवाको विस्तारमा सबैलाई सहयोग पु¥याउन आग्रह गर्नुभएको छ। नयाँ भवन उद्घाटन समारोहमा नुवाकोटका विभिन्न राजनीतक दलका प्रमुखका एंव प्रतिनिधि, प्रंमुख जिल्ला अधिकारी डुल्लुराज बस्नेत, प्रमुख अनुसन्धान अधिकृत ठूलोबाबु खड्का, स्थानीय विकास अधिकारी गोपालप्रसाद रेग्मी, शहरी विकास तथा भवन निर्माण विभाग नुवाकोटका प्रमुख अमरबहादुर थापा लगायतको सहभागिता रहेको थियो । साढे दुई तलामा निर्माण गरिएको भवनमा आवशीय व्यवस्था सहित १६ वटा कोठा बनाइएको छ । शहरी विकास तथा भवन निर्माण विभाग डिभिजन कार्यालय नुवाकोटले निर्माण गरेको भवनको निर्माणमा कुल ९२ लाख रुपैयाँ खर्च भएको छ । कार्यालयले भवन निर्माणको लागि आह्वान गरेको टेण्डर प्रक्रियामा १ करोड २० लाख रुपैया छुट्टाएपनि २३ प्रतिशत रकम कम गरी ठेकेदारले ९२ लाख रुपैयाँमा नयाँ भवन २०६७ साल कार्तिकमा सुरु गरेर गएको कार्तिक महिनामा पूरा गरिदिएको हो । भूकम्प प्रतिरोधात्मक नयाँ भवनको आरसीसी प्रविधि अर्थात सुरक्षित सामाग्रिंको समिश्रण अन्तरगत निर्माण गरिएको हो ।
बैशाख ८ , नुवाकोट नेपाल विद्युत् प्राधिकरण रसुवा नुवाकोट बितरण केन्द्रले तीन महिनादेखि नयाँ ग्राहकलाई विद्युतीय मिटर उपलब्ध गराउन सकेको छैन । कार्यालयमा विद्युतीय मिटरका लागि निवेदन दिएका पाँच सय भन्दा बढी ग्राहकले मिटर पाउन सकेका छैनन् । नयाँ घर निर्माण गरेका अधिकांश सर्वसाधारणले शाखा कार्यालयमा निवेदन दिएपनि मिटर सिद्धिएको कारण देखाउँदै प्राधिकरणले उनीहरूलाई फर्काउने गरेको छ । तीन महिनादेखि घरायसी प्रयोजनका लागि मिटर पाउन निवेदन दिएका सुनखानीका नकुल उप्रेतीले प्राधिकरण कार्यालयमा मिटरका लागि पुग्दा मिटर नभएको भन्दै फर्काउने गरिएको बताउनुभयो । प्राधिकरण शाखाका निमित्त तेज कृष्ण श्रेष्ठले केन्द्रबाटै नयाँ मिटर नआउँदा नयाँ ग्राहक बढाउने कार्य बन्द गरिएको बताउनुभयो । बिग्रिएका, आगलागी भई जलेका ग्राहकलाई पुराना मिटर रिसोलिङ गर्दै पठाउने गरिएको उहाँले बताउनुभयो । मिटर दिन नसकिने अवस्था आएपछि कार्यालयमा मिटरका लागि निवेदन लिएर आउने ग्राहकको निवेदन लिनसमेत बन्द गरिएको उहाँले जानकारी दिनुभयो । मिटरको अभाव पूर्ति गर्न केन्द्रीय कार्यालयले बोलपत्र आह्वान गरिसकेको भएपनि मिटर आइपुग्न अझै ग्राहकले तीन महिनाभन्दा बढी समय कुर्नुपर्ने उहाँको भनाइ छ । सिँचाइ र उद्योगका लागि प्रयोग हुने थ्रिफेज मिटर भने ग्राहकलाई उपलब्ध गराउने कार्य भइरहेको प्राधिकरण शाखाका कर्मचारीहरू बताउँछन् ।
बैशाख ८ , नुवाकोट नुवाकोटको मनकामना गाविसमा निर्माण हुन लागेको माथिल्लो त्रिशूली थ्रि बी जलविद्युत आयोजनाले आयोजना निर्माणको लागि जग्गा अधिग्रहण सुरु गरेको छ । नेपाल विद्युत प्राधिकरण र नेपाल टेलिकमसहितको लगानीमा निर्माण हुन लागेको यस आयोजनाका लागि आवश्यक पर्ने ५३ रोपनी जग्गा अधिग्रहणका लागि प्रक्रिया अघि बढेको आयोजनाका प्रबन्ध निर्देशक दामोदरभक्त श्रेष्ठले बताउनुभयो । ४२ मेगावाट क्षमताको आयोजना निर्माणका लागि अधिग्रहण प्रक्रिया सकिएलगत्तै वित्तिय स्रोतको खोजी गरिने उहाँले बताउनुभयो । यसलगत्तै सिभिल, इलेक्ट्रोमेकानिकल र हाइड्रोमेकानिकलका लागि टेन्डर आह्वान हुने प्रबन्ध निर्देशक श्रेष्ठको भनाई रहेको छ । स्वदेशी पुँजीमा निर्माण हुन लागेको आयोजनाले सिभिल निर्माणपूर्व जग्गा अधिग्रहण प्रक्रिया सक्ने र आयोजनाले परामर्शदाता नियुक्ति प्रक्रिया सुरु गरिसकेको जनाएको छ । यस आयोजनाबाट वार्षिक ३३ करोड ७८ लाख ८० हजार युनिट बिजुली उत्पादन हुने आयोजनाले जनाएको छ । ४ वर्षमा निर्माण सक्ने लक्ष्य लिइएको आयोजनाबाट उत्पादित बिजुली २२० केभी प्रशारण लाइनमा जोडिनेछ । नुवाकोट– मातातिर्थ २२० केभिए प्रशारण लाइनको काम अघि बढ्न सकेको छैन । २०१८ भित्रमा निर्माण सम्पन्न गर्ने लक्ष्य लिइएको यस आयोजनाको भविष्य त्रिशूली थ्रि ए सँग जोडिएकाले आयोजनाको काम दु्रत गतिमा हुन सकिरहेको छैन । माथिल्लो त्रिशूली थ्रि ए को टेलेरेसबाट निस्किएको पानी सुरुङबाट ल्याएर नुवाकोटको मनकामना गाविस वडा नं. ९ सिम्लेमा हेडगेट निर्माण गरी आयोजनाबाट विद्युत निकालिने छ ।
बैशाख ८ , नुवाकोट गुणस्तर तथा नापतौल क्षेत्रीय कार्यालय काठमाडौले हिजो नुवाकोटका बजारक्षेत्रका रहेका पसलहरुमा प्रयोग गरिने ढक तराजुको परीक्षण गरेको छ । तौल नपुग्ने र वषौं पुराना ढकतराजु राखिएको कारण उपभोक्ता तथा स्थानीयवासीको व्यापक गुनासोपछि गुणस्तर तथा नापतौल क्षेत्रीय कार्यालय काठमाडौले ढक तराजुको परीक्षण गरेको हो । विभागले केही दिन जिल्लाका विभिन्न क्षेत्रमा रहेका बजारहरुमा व्यापारीहरुले प्रयोग गर्ने ढक तराजुमा नापतौल पूरा नभए नभएको अनुगमन गर्ने छ । तौल नपुगेका ढकमा थप फलाम प्रयोग गरिँदै आएको छ । विदुर क्षेत्रमा रहेका अधिकांश व्यापारीहरुले प्रयोग गर्ने ढक कम तौलको भेटिएको थियो । क्षेत्रीय कार्यालय काठमाडौका निर्देशक मुकुन्दप्रसाद चौहानको नेतृत्वमा नुवाकोट आएको अनुगमन टोलीले जिल्लाका मुख्य बजारमा व्यापारीहरुले प्रयोग गर्ने ढक तराजुको परीक्षण गरिरहेको छ । टोलीले नुवाकोटको विभिन्न स्थानमा रहेका पसलका नाप तौल तथा नाप्ने तौलने यन्त्रहरुको छड्के चेकजाँच, अनुमति लिएपछिको मर्मत, नवीकरण प्रक्रियाको बारेमा अनुगमन गर्न सुरु गरेको हो । बजार क्षेत्रमा अनुगमन गरेपछि मात्रै अनुगमनबाट प्राप्त नतिजा सार्वजनिक गर्ने अनुगमन टोलीले जनाएको छ ।
बैशाख ८ , नुवाकोट जिल्ला कृषि बिकास कार्यालय नुवाकोटले जिल्लाका १२ वटा कृषि सहकारी संस्था र कृषक समुह लाई पावर ट्रिलर उपलब्ध गराउने भएको छ । कार्यालयको ५० प्रतिशत अनुदानमा खेत बारी जोत्ने पावर ट्रिलर मेसिन उपब्ध गराउन लागेको हो । खेतबारि जोत्नका लागि प्रयोग गरीने यो मेसिन नुवाकोटका गाउँगाउँमा लोकप्रिय बन्दै गएको छ । गाउँमा खेतबारि जोत्नका लागि गोरु तथा मजदुर नपाउने, पाइहाले पनि दिनको एकहजार सम्म रोज लिन थालेपछि गाउँगाउँमा रहेका कृषक समूहहरुको पहलमा गाउँमा पावर ट्रिलर लान थालेका हुन् । गाउँमा गोरु र मजदुर नपाइने र कृषकहरुको आकर्षण पनि पावर ट्रिलरतर्फ बढेपछि अहिले खेतबारि जोत्नका लागि धेरै सहज भएको बेलकोट गाविसमा रहेको निरन्जना बचत तथा ऋण सहकारी संस्थाका अध्यक्ष माधबप्रसाद पौडलले बताउनुभयो । कार्यालयले यस बर्ष दश वटा पावर ट्रिलर उपलब्ध गराउन लागेको जिल्ला कृषि बिकास कार्यालयका योजना अधिकृत कमला न्यौपानेले बताउनुभयो । उहाँका अनुसार यसवर्ष १५ वटा बढि सहकारीबाट माग भएपनि १२वटा सहकारी र कृषक समुहलाई मात्र उपलब्ध गराउन लागिएको बताउनुभयो । पावर टे«लर मेसिनले प्रतिघण्टा २ देखि ३ रोपनीसम्म जमिन जोत्ने र तेल पनि अत्यन्तै कम लाग्ने कार्यालयले जनाएको छ । कार्यालयले सहकारी संस्था मार्फत एक÷एकवटाको दरले यस वर्ष १० थान उपलब्ध गराउने जनाएको छ । कुल लागतको ५० प्रतिशत रकम संस्थाले ब्यहोर्नुपर्ने र आधा रकम कार्यालयले ब्यहोर्नेछ ।
बैशाख ८ , नुवाकोट एकीकृत नेकपा माओवादीका नेता पोष्टबहादुर बोगटीले कार्यकर्ताहरुलाई पार्टीले लिएको जिम्मेवारीलाई कर्तव्यको रुपमा सम्झेर काम गर्न आग्रह गर्नुभएको छ । हिजो एनेकपा माओवादी नुवाकोटको तेस्रो जिल्ला सम्मेलनको ढुंगेस्थित सहिद स्मृति भवन बान्द्रेमा उद्घाटन गर्दै नेता बोगटीले कार्यकर्ताहरुलाई पार्टी कार्यकर्ताको जिम्मेवारी निर्वाह गर्न आग्रह गर्दै संगठन विस्तारमा लाग्न आग्रह गर्नुभएको हो । युद्धको समयमा भएका कमीकमजोरीलाई सच्याउँदै नेपाली जनताको परिवर्तनप्रतिको चाहनालाई सबैले मुल्यांकन गर्दै कार्यकर्ताहरुले पनि आफ्नो विचारलाई परिवर्तन गर्नुपर्नेमा जोड दिनुभयो । जिल्ला सम्मेलन आयोजक कमिटिका संयोजक हितबहादुर तामाङको सभापतित्वमा भएको कार्यक्रममा रसुवा जिल्ला सम्मेलन आयोजक कमिटिका संयोजक इन्द्र गौतम, शिवबहादुर भण्डारी, पूर्व सभासद् विमला सुवेदीलगायतले शुभकामना मन्तव्य राख्नुभएको थियो । जिल्ला सम्मेलनमा जिल्लाका ६१ गाउँ विकास समिति र विदुर नगरपालिकाबाट पाँच सय जना जिल्ला प्रतिनिधिहरुको सहभागिता रहेको छ । जिल्ला सम्मेलनले जिल्ला अध्यक्षसहित ५३ सदस्यीय एकीकृत नेकपा माओवादी जिल्ला कमिटि नुवाकोट गठन गर्नेछ । नयाँ नेतृत्व चयनको प्रक्रिया आज मात्र हुने प्रचारप्रसार विभागका प्रमुख विमला सुवेदीले जानकारी दिनुभयो ।
बैशाख ७, नुवाकोट गत चैत्र २१ गते देखि २९ गते सम्म नुवाकोट र रसुवा जिल्लाको संगमस्थालमा रहेको उत्तरगयाधामको वृहत विकासका लागि भएको श्रीमदभागवत नवाहाको हिसाव आज सार्वजनिक गरिएको छ । उत्तरगया क्षेत्र विकास समितिको प्रस्तावित गुरुयोजना अनुसार धाममा पूर्वाधारहरु निर्माण गर्नका लागि संगितमय र झाँकी सहित २९ गतेसम्म महायज्ञ सञ्चालन भएको महायज्ञमा युवासन्त स्वामी पण्डित विष्णु प्रपन्नाचार्य महाराजजीले प्रवचन दिनु भएको थियो । सो सप्ताह मा जिन्सी र रकम बोलकवोल ६० लाख २१ हजार ३ सय २१ रुपैया रकम उठेको उत्तरगया क्षेत्र विकास समितिका अध्यक्ष शिव शंकर डंगोलले बताउनु भयो । प्रत्रकार सम्मेलनमा १ करोड २९ लाख भन्दा बढी बरावरको रकम उठेको प्रचार तत्कालिन समयमा भएता हाल सम्म ३५ लाख १० हजार ७ सय ८७ रकम बचत भएको उत्तरगया क्षेत्र विकास समितिका अध्यक्ष शिव शंकर डंगोलले बताउनु भयो ।खर्च आम्दानी सार्वजनिक कार्यक्रममा उत्तरगया क्षेत्र विकास समितिका अध्यक्ष शिव शंकर डंगोलले यज्ञ स्थलमै आई दान गर्ने मध्ये झण्डै आधा पैसा उठाउन बाकी रहेको बताउनु भयो । सप्ताहको प्रचार प्रसार गरेको नुवाकोट र रसुवाका १ दर्जन प्रत्रकारलाई नगद सहित सम्मान गरिएको थियो ।रसुवा र नुवाकोट जिल्लाको संगमस्थल बेत्रावतीमा रहेको उत्तरगया धामलाई धार्मिक कोणबाट पनि महत्वपूर्ण मानिदै आएको छ । उत्तरगया रसुवाको लहरेपौवा गाउँ विकास समिति, नुवाकोटको तुप्चे र गेर्खु गाउँ विकास समिति हुँदै बग्ने वेत्रगंगा, रुद्रगंगा र त्रिशुलगंगाको त्रिवेणीधामको रुपमा समेत हिमदखण्डमा चर्चा गरिएको छ ।उत्तरगया धाम क्षेत्र भित्र मठ मन्दिर, गुफा, सत्तल, कुटी, झरना, तप्तकुण्ड, नमूना गोसाईकुण्ड, शिवलिङ्गेश्वर महादेवको नेपालकै अग्लो मन्दिर बनाइने योजना रहेको छ । ति योजना पुरा गर्नका लागि नुवाकोट तथा रसुवाका स्थानीयहरुको सक्रियतामा ज्ञान महायज्ञको आयोजना गरिएको थियो ।

Time: -
कार्यक्रम तालिका
समाचार
Advertisement