04:20:00 NST
जिल्ला कारागारमा क्षमता भन्दा दोब्बर कैदी बन्दी । ५० भन्दा बढी कैदी बन्दी कारागारको प्यासेजमा सुत्न बाध्य ।

नुवाकोट २१
जिल्ला कारागार नुवाकोटका क्षमता भन्दा दोब्बर कैदी बन्दी राखिएको कारण कैदी बन्दीलाई समस्या भएको छ । आधारभूत आवश्यकता पुरा गर्नको लागि समेत स्थान अभावले कैदी बन्दीलाई समस्या भएको हो ।
पुरुष बन्दी कक्षाको ५० र महिला कक्षाको २० जना क्षमता भएको जिल्ला कारागारमा अहिले १ सय ५० जना पुरुष र २५ जना महिला कैदी बन्दीहरु राखिएको छ । कैदी बन्दीको संख्या धेरै हुदा पानीको अभाव, शौचालय प्रयोगमा लगायतमा समस्या भएको छ ।
कैदी बन्दीको भीडले गर्दा धेरैलाई सुत्न समेत सास्ती भोग्नु परेको छ । ५० जना बन्दी कारागार भित्रको खुला प्यासेस, पिढीमा सुत्न बाध्य भएको जिल्ला कारागारका प्रमुख खगेन्द्र घिमिरेले जानकारी दिनुभयो ।
कैदी बन्दीको क्षमता भन्दा बढी राखिएको कारण स्वास्थ्यमा पनि धेरै समस्या देखिएको छ । अहिले दैनिक ६ जना जति कैदीबन्दीहरु विरामी पर्ने गरेका छन् । धेरैलाई भाइरल ज्वरो आएको कारागारले जनाएको छ । गत बर्षदेखि जिल्ला कारागारमा स्वास्थ्य सहायकको दरबन्दी आएपछि विरामीहरुको सामान्य उपचार कारागारमै हुने गरेको छ । जटिल समस्या देखिएको विरामीलाई मात्र जिल्ला अस्पताल लाने गरिएको छ ।


 

तामाग गित सगित
Time: 13:10-14:00
कार्यक्रम तालिका
समाचार
Advertisement